Campamentos de verán en Quiroga 2020
O Concello abre o prazo de inscrición previa para a posible realización dos Campamentos de Verán para o ano 2020 en Quiroga.
Dende o luns, día 22 e ata o 30 de xuño estará aberto o prazo para realizar a inscrición previa de nenos e nenas que estiveran interesados en asistir aos campamentos de verán que se desenvolverían nos meses de xullo e agosto.
A documentación para a inscrición previa poden retirala na Casa da Cultura.
Este ano dada a situación de crise sanitaria ocasionada pola COVID-19, estase a traballar na elaboración dun protocolo de actuación para o desenvolvemento dos campamentos de xeito seguro. Isto levará consigo cambios nas actividades a ofrecer, no número de participantes e tamén nas condicións de admisión.
