CARLOS SOBERA, PREGOEIRO DA XLI FEIRA DO VIÑO, SERÁ PRESENTADO POR DOUS XORNALISTAS GALEGOS
RTMQ. Dous importantes periodistas serán os encargados de presentar ao pregoeiro da XLI Feira do Viño de Quiroga, o polifacético Carlos Sobera. Tania Taboada e José Manuel Parada serán os encargados de dar paso ao pregón o sábado 8 de abril ás oito e media do serán.
Tania Taboada, nacida en Arzúa, traballou nas televisións locais de Vigo e Lugo, na Voz de Galicia e na TVG e dende o 2020 podémola ver na sección de actualidade no programa Espejo Público, de Antena 3.
Pola súa parte José Manuel Parada, nacido en Monforte de Lemos, e pregoeiro da Feira do Viño de Quiroga no ano 2005, será recordado sempre por ser o presentador de Cine de Barrio, polo que recibiu o premio Antena de Oro en 1999. Agora e dende o 2015 presenta e dirixe Parada en Libertad na radio Libertad FM e en Canal Sur, a televisión autonómica andaluza, participa en varios formatos como ‘¡Vaya Tela!’.
